Bukatzear dago lehen matrikulazio epe hau, bihar bertan amaitzen baita. Apirilean matrikulazio arrunta irekiko da, garestiagoa.

 

Bihar ixten da IkerGazte kongresuan matrikula MERKEA egiteko epea. Lehen matrikulazio epe hau, merkeagoa izan da eta martxoaren 31a arte egongo da zabalik. Bigarren epeari apirilean ekingo zaio eta garestiagoa izango da.

 

Bihar arte 185 euro balioko du kongresuan matrikulatzeak. Prezioaren barruan sartzen da 3 egunetarako matrikula (maiatzak 13, 14 eta 15), aukeratutako tailer eta mintegietan parte hartzea (gogoratu plazak mugatuak direla, izena lehenbailehen ematea gomendatzen da), 3 egunetako kafeak, 2 egunetako bazkariak (luntxa), osteguneko afaria, saio osagarrietan parte hartzea, loa eta gosaria bi gauetan Errota aterpetxean (matrikulatzean esan behar da geratuko zareten edo ez) eta azkenik, UEUko bazkide ez direnentzat UEU kideen abantailak 2015ean zehar.

Matrikulazioa webgunearen bitartez egingo da ondoko esteka honetan: IkerGazte:Nazioarte ikerkuntza euskaraz. UEUn lehendik egon ez direnei erregistratzea eskatuko die plataformak. Behin erregistratuta baieztapen mezua iritsiko zaie e-postara, gero matrikulatzeko aukera zabalduko da. Eremu guztiak bete ditzazuen eskatzen dugu gure lana ahalik eta hoberen bete dezagun.

Edozein zalantza baduzu, a.latatu@ueu.eus helbidera idatzi.